2025-ci il İMO Gender Bərabərliyi Mükafatının sahibi məlum olub

Müəllif: Allmarinenews
Nəşr edilmişdir: 21.11.2024 01:00

Hollandiya Krallığında yerləşən MF Shipping Group-un həmtəsisçisi və baş icraçı direktoru xanım Karin Orsel 2025-ci il Beynəlxalq Dəniz Təşkilatının Gender Bərabərliyi Mükafatını almaq üçün seçilib. Mükafat gender bərabərliyinin irəliləməsinə və dəniz sektorunda qadınların səlahiyyətlərinin artırılmasına mühüm töhfələr vermiş şəxslərə verilir.  

Allmarinenews-un məlumatına görə, IMO Şurası 2024-cü il noyabrın 18-dən 22-dək Londonda keçirilən 133-cü sessiyası zamanı xanım Orseli 2025-ci ilin mükafatçısı kimi təsdiqləyib.

Mükafatın təqdimetmə mərasimi 2025-ci ilin 18 may - Beynəlxalq Dənizçi Qadınlar Günündə olacaq.

Qeyd edək ki, IMO-nun Gender Bərabərliyi Mükafatı, cinsindən asılı olmayaraq, dəniz sektorunda gender bərabərliyinin irəliləməsinə və qadınların səlahiyyətlərinin artırılmasına mühüm töhfələr vermiş şəxsləri tanımaq üçün təsis edilib. İlk nominasiyalar 2023-cü ildə seçilib.